Швейцарийн " Young boys" багт 2:1-ээр Манчестер Юнайтед баг хожигдож, Аваргуудын Лигийн гараандаа бүдэрлээ. Эхний хагаст Роналдо гоолдож, багтаа тэргүүллийг авчирсан ч, Швейцарийн " Залуу хөвгүүд" араас нь 2 гоол оруулж багтаа маш чухал 3 оноог халаасаллаа.
Өнгөрсөн улиралд Евро Лигийн финалд биднийг хожсон Вильярил, Италийн Аталанта багуудтай хэсэгтээ таарсан. Хамгийн сул багтаа хожигдлоо. Үлдсэн тоглолтондоо хянуур хандах хэрэгтэй боллоо. Хэсгээс шалгарахын тулд дор хаяж 10-12 оноо авах шаардлагатай. Дараачийн хоёр тоглолтоо талбай дээр хийх нь бидэнд.давуу тал үүсгэнэ. Хэрвээ энэ хоёр тоглолтонд алдаа гаргах юм бол хэсгээсээ шалгарахад эргэлзээтэй болно. Тиймээс энэ хоёр тоглолтонд маш няхуур хандана гэж гараандаа бүдэрсэн МЮ багийн дасгалжуулагч Солкжайер тактикаасаа хуваалцлаа.
Ц.БАТ-ЭНХ