Аварга цол авангуут шууд түрүүлсэн 9 дэх аварга боллоо, Терунофужи. - Аварга цол авсны дараах анхны башё учир их л дарамттай барилдлаа. Олон ч зүйл толгой тархинд эргэлдлээ. 2 унаатай ч гэсэн башёдаа түрүүлж чадлаа. Аз болоход араас нэхэж явсан сумочин 15 дахь өдрийн барилдаанд уналаа. Түрүүлэх маань нэгэнт тодорхой болсон учир тайван сайхан барилдаж давлаа. Энэ башёд дэвжээний багш маань маш их ач холбогдол өгсөн. Өөрөө эхнэр, хүүхдүүдээ дагуулан ирж намайг дэмжсэн.Гэхдээ энэ мөчид Намайг бэртчихээд, сумог орхих дээрээ тулсан үед эхнэр маань зоригжуулсан. Тиймээс би эхнэртээ хамгаас өртэй. Түүндээ юуны түрүүнд талархаж байна. Би чадах бүхнээ л хийсэн. Миний зорилго бол сайн л барилдах гэж NHK телевизэд Терунофужи ярилцлага өглөө. Хоёр өвдгөндөө хагалгаа хийлгэсэн тэрбээр 2020 онд дээд дэвжээнд эргэн ирснээс хойш ийнхүү 4 дэх удаагаа түрүүллээ.
Б.ПҮРЭВДОРЖ
