Доха хотноо зохиогдсон Ази тивийн 25 дахь удаагийн ширээний теннисний АШТ-ий үеэр Ази тивийн ШТХ ээлжит хурлаа хийж, Катарын холбооны ерөнхийлөгч Калл Али Мохаммедийг ерөнхийлөгчөөр сонгосон байна.
Калл Али Мохаммед нь 2001 оноос хойш 20 жилийн турш Ази Тивийн Ширээний Теннисний Холбооны ерөнхийлөгчөөр сонгогдон, ширээний теннисний хөгжилд үнэтэй хувь нэмэр оруулсан. Дэлхийн аварга, Тивийн аварга, Токио-2020 олимпийн шалгаруулалт зэрэг томоохон тэмцээнийг Катарт зохион байгуулсан. Ширээний теннисчид газрын теннисчидтэй өндөр шагнал урамшуулал авах ёстой гэдэг зарчмыг баримталдаг учир ихээхэн дэмжлэг хүлээсэн.
Түүнийг ширээний теннис өндөр Түүнийг Хятад, Солонгос, Япон зэрэг ширээний теннис өндөр хөгжсөн орны төлөөлөгчид дэмжсэнээр анх удаа араб хүн Азийн ширээний теннисний Холбоог толгойлох боллоо. Эмэгтэйчүүд, шүүгчид, техникийн зөвлөлийн дарга нарыг ч шинээр сонгосон. Монголоос өрсөлдсөн олон улсын шүүгч Э.Мөнхбилэг Ази Тивийн Шүүгч болон Техникийн зөвлөлийн гишүүнээр сонгогдлоо. Ийнхүү Ази тивийн АШТ-ээс шигшээ багийн тамирчин Сэр-Од шигшээ 32-д шалгарсан, Э.Мөнхбилэг сонгуульт ажилтан болсон амжилттайгаар тэмцээнээ өндөрлөлөө гэж багийн ахлагч, хурлын албан ёсны төлөөлөгч Б.Баярмагнай Sportlife.mn-д мэдээллээ.
