З.ТӨРБОЛД 2012 ОНЫ УЛСЫН АВАРГА /БАТС-Н АВАРГА/
ДУРСАМЖ НИЙТЛЭЛ
Багадаа их дүрсгүй хүүхэд байсан тул аав ээжийн хүсэлтээр анх спортын хүмүүжил олохоор 1998 оны зун тэр үеийн ширээний теннисний “Номин” клубд элсэн орж байсан билээ. Тэр үед “”БНСАУ-аас цагтаа 1988 оны олимпын аварга Юү Нам Кюүг хожиж явсан Пак Жи Хёон хэмээх мундаг багш клубыг удирдаж байсан нь тухайн үеийн хүүхдүүдэд маш их аз завшаан байсан. Нарийн шинжлэх ухааны үндсэн дээр суурилсан, системчилсэн бэлтгэлийн үр дүнд удалгүй 1999 оны идэрчүүдын улсын аваргад 12-оос доош насны төрөлд алтан медаль хүртсэн байдаг юм. Пак Жи Хёон багшийг нутаг буцсаны дараа С. Галбадрах багшийнхаа удирдлаган доор 2012 он хүртэл хичээллэж олон амжилтийн эзэн болж байжээ. Тийм ч учраас Пак Жи Хёон болон С. Галбадрах багш нартаа талархаж явдагаа илэрхийлэх нь зүйтэй бөлгөө. Мөн үе тэнгийн ширээний теннисчид, улсын аваргууд болох Э. Лхагвасүрэн, Л. Алтантулга нарийгаа үргэлж хүндэлж явдагаа илэрхийлэх нь зүйтэй. Тэдний хор шар, идэвх чармайлт, амжилтууд нь ирээдүйн ширээний теннисдэд урам зориг, итгэл найдвар өгөх нь дамжиггүй юм. Бид эх орноо төлөөлөн 2002 оны БНСАУ-ын “Бусан” хотод зохиогдсон 14-дэх Азийн Их Наадамд оролцон, дэлхийн том аваргуудтай сайн тоглосон нь тухайн үед сенсац тарьж, БНСАУ-ын бүх хэвлэл мэдээллээр цацагдаж байсан нь саяхан мэт санагдана. Ширээний теннис гэдэг энэ агуу спорт надад тэсвэр хатуужил, бусдыг хүндлэх ёсон, өөртөө итгэх итгэлийг өгөөд зогсохгүй миний амьдралын минь хань 2010 оны улсын аварга Ч. Номин-Эрдэнэт-тэй учруулсан явдал юмаа. Тиймээс ч би энэ спортдоо хайртай бөгөөд ирээдүйд тодорхой хэмжээгээр өөрийн хувь нэмрээ оруулна гэж боддог
Гэргий улсын аварга СМ Ч.Номин-Эрдэнийн хамт
З.Төрболд Ч.Номин-Эрдэнэ нар аав нарын хамт
Зүүн гар талаас Д.Чинбат, Ч.Номин-Эрдэнэ З.Төрболд Х.Зоригт
Зүүн гар талаас ОУХМ улсын 4 удаагийн аварга Л.Алтантулга, ОУХМ улсын 4 удаагийн аварга Э.Лхагвасүрэн, СМ БАТС-ын аварга З.Төрболд
Монгол улсын баг тамирчид. Монголд анх удаа зохиогдсон оюутны Азийн аварга шалгаруулах тэмцээний үеэр
Улаанбаатар хот, 2008 он
Монгол улсын баг тамирчид Ширээний теннисний багийн дэлхийн аварга шалгаруулах тэмцээн
Москва хот, 2010 он
Зүүн гар талаас ОУХМ улсын 4 удаагийн аварга Л.Алтантулга, ОУХМ улсын 4 удаагийн аварга Я.Бэгз, ОУХМ улсын 4 удаагийн аварга Э.Лхагвасүрэн, ОУХМ улсын аварга Т.Энхтөр, ОУХМ улсын 3 удаагийн аварга С.Галбадрах, СМ БАТС аварга З.Төрболд
Шилдэг тамирчдын бооцоот тэмцээний үеэр.
Улаанбаатар хот, 2005 он.
Хувийн Амжилтууд