Цагаан сарын өмнө Засгийн газраас Монгол улсын ерөнхийлөгчийн санаачилгыг дэмжиж, тэтгэврийг нэмэгдүүлэх тогтоол баталсан. Үүнийг УИХ-ын Н.Учрал өнөөдрийн нөхцөлд л зөв шийдвэр гэж дүгнэлээ. - Энэ тэтгэврээ нэмж буй алхам бол өнөөдрийн нөхцөл байдалдаа тохирсон зөв шийдвэр гэж бодогдож байна. Гэвч ийм байдлаар цаашид хол явахгүй. Нийгмийн даатгалын реформийг хийх цаг болсон. Төсвийн реформийг ч хийх шаардлагатай. Учир төсөв, тэтгэвэр өөр хоорондоо дэндүү хамааралтай. Тиймээс төсвөөс салгаж, ангид байдлаар тэтгэврийн реформ хийх нь явцгүй гэж УИХ-ын гишүүн Н.Учрал өөрийн байр сууриа илэрхийллээ.
Б.Пүрэвдорж
