Мексикийн Киуератаро- Атлас багийн тоглолтыг үзэж байсан 26 фанат хүнд гэмтэл авч эмнэлэгт хүргэгдсэн байна. Хоёр багийн тоглолтыг үзэж байсан фанатууд зодолдож, цагдаа хүчнийхэн хүчрэхгүй болсон учир тэмцээнийг 63 дахь минутанд зогсоохоос өөр аргагүй байдалд тулжээ. -Хэдийгээр хүний амь эрсдээгүй ч, эмгэнэл гэж зарлаагүй ч, энэ бол эмгэнэлт явдал. Эмнэлэгт хүргэгдсэн 26 хүнээс гурвынх нь амь нас дээсэн дөрөөн дээр, 10 нь хүнд, 13 нь хөнгөн бэртэлтэй гэж Мехсико хотын эмнэлгийн эмч нар тодорхойлсон гэж Киуератаро хотын мэр хэлсэн. Уул нь зочин баг 0:1-ээр хошуучилж байсан юм. Гэнэт эмх замбараагүй байдал үүссэн. Үүнийг цэнгэлдэх хүрээлэнгийн захиргаа зогсоож дийлээгүй учраас зодоон бүх цэнгэлдэхийг хамрах хэмжээн хүрсэн. Тиймээс тоглолтыг зогсоосон нь зөв. Үзэгч, фанатуудын аюулгүй байдал, эрүүл мэнд чухал. Энэ байдлыг хангаж чадаагүй цэнгэлдэх хүрээлэнгийн хамт олонд хатуу арга хэмжээ авна гэж Мексикийн Хөлбөмбөгийн Холбооны удирдлага байр сууриа хатуу илэрхийллээ.
