Талбай дээрээ 3:1-ээр хожигдсоноос бүх зүйл эхэлсэн. "Реал Мадрид" ч өөрийгөө шигшээ дөрөвд хэдийнээ шалгарсан гэж тооцсон. Тиймээс ч хэт тайвширсан байсан. Харин гинжнээсээ өөр алдах зүйлгүй "Челси" баг " өлсгөлөн бар" шиг довтолж, эхний хагаст Майсон, Рудригер нарын гоолын ачаар 3:3 болгож, оноог тэнцүүлж чадсан. Хоёрдугаар хагаст Марко Алонсо, Тимо Вернер нар хоёр гоол нэмж оруулсны нэгийг нь шүүгч тооцоогүй. Гэвч 4:3 гэдэг гоолын харьцаагаа хадгалж чадсан бол Аваргуудын Лигийн шөвгийн дөрөвд төвөггүй шалгарах байсан. Гэвч тоглолт дуусахаас хэдхэн минутын өмнө, 88 дахь минутанд Модричийн дамжуулалтыг Родриго гоолдсоноор бүх зүйл шинээр эхэлсэн. Нэмэлт цагт Бензема мөргөж гоолын харьцааг 5:4 болгож өөрчилснөөр 13 удаагийн аварга Реал Мадрид шөвгийн дөрөвд шалгарлаа. - Бид төлөвлөснөөрөө тоглосон. 3 гоол оруулна гэдэг зорилгодоо хүрсэн. Даалгэвраа биелүүлсэндээ тайвширчихлаа. Хожсон гэдэгтээ арай л эрт итгэчихлээ. Төгсгөлийг хайхарсангүй. Өөрсдийнхөө боломжийг өөрсдөө хаалаа. Нэмэлт цагийн тухайд сэтгэл зүй нөлөөллөө. Шокноосоо гарч чадалгүй байсаар хожигдлоо. Маш том, дэндүү үнэтэй сургамж авлаа гэж Томас Тучель тоглолтыг дүгнэв.
