Илон Маск Твиттерийг 44 тэрбум доллараар худалдаж авахаар боллоо. Түүний саналыг Твиттерийн ТУЗ хүлээн авсан байна.
Хэдхэн хоногийн өмнө Илон Маск Твиттерийг эзэмшигчдэд компаниа зарах санал тавихдаа энэ нийгмийн сүлжээнд хэрэгжүүлээгүй асар том чадвар байна, би түүнийг хэрэгжүүлж чадна гэж хэлж байсан юм.
Энэ сард Маск Твиттерийн хувьцааны 9,2 хувийг 2,89 тэрбум доллараар худалдан авч, тус компанийн хамгийн том хувьцаа эзэмшигч болсон. Хувьцаа эзэмшигчдийн шахалтаар Твиттер Масктай хэлэлцээ хийж, Маск нэгж хувьцаанд 54.20 ам.доллар санал болгосон байна. Энэ мэдээ гарах үед Твиттерийн бирж дээрх хувьцааны үнэ 6 хувиар өсжээ.
Илон Маск Твиттерийн контентын хязгаарлалтыг сулруулахаас эхлээд хуурамч хаягийг устгах зэрэг хэд хэдэн өөрчлөлт хийх санал тавьжээ.
Дэлхийн хамгийн баян эрхэм тэрээр Форбс сэтгүүлийн үнэлгээгээр 273,6 тэрбум долларын хөрөнгөтэй аж.
Эх сурвалж: ВВС
