Сулливан 46 насандаа Сноокер бильярдын ДАШТ -д түрүүлж, 7 түрүүлсэн рекорд эзэмшигч Хенритэй зэрэгцлээ. Тэрбээр бусад үзүүлэлтээрээ Хенриг давсан учир бүх цаг үеийн шилдэг сноокер бильярдчины дээд амжилтыг тогтоолоо. Тэрбээр хагас шигшээд дэлхийн 4 удаагийн аварга Хиггинсийг 17:11, финалд дэлхийн аварга Жүүд Трампыг 18:13 харьцаагаар давамгайлан ялж, 46 насандаа түрүүлсэн бас нэгэн амжилтын эзэн боллоо. -Олон жил уйгагүй бэлтгэл хийж, формоо хадгалсны үр дүнд хүсэн хүлээсэн 7 дахь аваргын титмийг өргөлөө. Сноокерийн бурхан тэнгэрүүд яах аргагүй миний талд байж, намайг дэмжлээ. Джон Хиггинс хагас шигшээд эхний 3 тоглолтыг дараалан хожсоныг үзэгчид санаж байгаа байх. Түүнээс хойш ийм алдааг би давтаагүй. Тэр тусмаа финалд. Гайхалтай 17 хоног байлаа. Одоо дараачийн өндөрлөг харагдаж байна. Тэр бол 8 гэсэн тоо юм гэж Сулливан цомоо өргөсний дараа хэллээ.
Б.ПҮРЭВДОРЖ
