Манчестер Сити багтай Аваргуудын Лигийн цомыг өргөх нь миний хүсэл мөрөөдөл. МСИ -д ийм боломж бий. Бид өнгөрсөн улиралд анх удаа финалдахдаа Челси-д 1:0-ээр хожигдсон. Челси багийг л аз түшсэн. Бид гоолдож чадаагүй нь л алдаа. Түүний өмнөх улиралд бид Тоттенхэм багтай тэнцэж, гоолын чанарын зөрүүгээр хасагдсан. Тэр улиралд Тоттенхэм биш, МСИ финалдах нь илүү шударга үнэнд нийцэх байсан. Энэ улиралд дараалан финалдах боломжтой. Түүний тулд Реал Мадридыг хожих, эсвэл тэнцэх шаардлагатай. Талбай дээрээ 4:3 -аар хожсон. Энэ бол давуу тал болохоос, хожихын баталгаа биш. Тиймээс долоо хоногийн өмнө үзүүлсэн харилцан нээлттэй, довтоогоо бүхий тоглолт үзүүлэх болно. Мэдээж гоолын зөрүүгээ хадгалах нь бидний гол тактик байх болно. Бид хожиж чадвал зөвхөн Английн багууд финалдсан амжилтыг 3 болгон тогтоох юм гэж Пеп хэллээ.
Ц.ЭНХБАТ
