Ньюкастле 2:0-ээр Арсенал багийг хожсоноор бидэнд тус боллоо. Тэдний хожлын ачаар бид 68 оноотойгоор хүснэгтийн 4 дүгээрт дэвшлээ. Арсенал биднээс 2 онооны дутуу боллоо. Аваргуудын Лигт ирэх улиралд тоглох эрхийг халааслах нь бидний гарт орж ирлээ. Гэхдээ тойргийн сүүлчийн тоглолтонд Норвичийг хожих, арга ядахдаа тэнцэх шаардлагатай. Тэр тохиолдолд бид ирэх улиралд Аваргуудын Лигт зодоглох хүсэл мөрөөдлөө биелүүлнэ гэж Тоттенхэм багийг энэ улиралд амжилттай удирдсан Конти хэллээ. Тэрбээр өмнөх улиралд Италийн Интер багийг Сериа-А лигт түрүүлүүлсэн бол, түүний өмнөхөн Челси багийг мөн Премьер Лигт түрүүлүүлж байсан чадварлаг дасгалжуулагч. Түүнийг Италийн шигшээ багийн дасгалжуулагч болох ёстой гэж Спорт-Италиа сонин бичих болсон.
