Дундад Азийн Киргызстан улсын нийслэл Бишкек хотноо U-17, U-23 насны Ази тивийн аварга шалгаруулах тэмцээн 3 дахь өдрөө үргэлжилж байна. U- 17 насны ангилалд Монголын гурван охин финалд шалгарснаас Э.Одзаяа /69 кг/ алтан медаль, Ч. Номин /46 кг/, Б. Халиун /53кг/ нар мөнгөн медалийн эзэд болж, Бишкекийн тэнгэрт Монгол улсын Төрийн далбаагаа гурвантаа мандууллаа. Тус тэмцээний үеэр зохиогдож буй UWW Азийн зөвлөлийн Их хурал болон Азийн холбоодын семинарыг удирдаж буй Ази Тивийн Чөлөөт Бөхийн Холбооны ерөнхий нарийн бичгийн дарга П.Буяндэлгэр өөрийн тамирчдадаа дээрхи шагналыг гардуулсан байна.
