Төрийн наадамд хурдан морь нь магнайлж, торгон жолоогоо өргүүлбэл, тухайн морины нутгийн бөх дээгүүр барилддаг гэж хууччуул ярьдаг. Үүнийг Ховд аймгийн морь бөх тэгш ойн наадмаар баталлаа. Ардын хувьсгалын 100, 101 жилийн баяр наадмын соёолон насанд 250 хурдан хүлэг шандсаа сорьсноос Ховд аймгийн Мянгад сумын уугуул, аймгийн алдарт уяач Б.Энхбаярын халтар соёолон түрүү магнайд хурдалсан. Тэгвэл 1024 хүчтэн зодоглосон тэгш ойн баяр наадамд Ховдоос начин, заан, аварга төрлөө. Улсын аварга С.Мөнхбат, улсын аварга Бүрэнтөгс нарыг дараалан өвдөг сөгдүүлж, үзүүр түрүүний барилдаанд харцага Орхонбаярыг давхар шуудагнаас түрж давснаар улсын харцага О.Хангай улсын отгон аварга боллоо.
Э.Отгонжаргал