Премьер Лиг эхэллээ. АПЛ-ийн эхний дөрөвд орох зорилгыг өмнө тавьсан Арсенал баг Зинченко, Жесус нарын Манчестер Сити багийн тоглогчдоор хүчээ сэлбэжээ. - Бид гараагаа хожлоор эхлүүлэх чухал даалгавраа амжилттай биелүүллээ. Бид эхний 30 минутыг давамгайлсан. Арсенал 2-3 гоолын боломж гаргаснаа 80 хувь ашиглалаа. 20 дахь минутанд Мартинелли гоолдсоноор тоглолтыг хянах боломжийг нэмэгдүүлсэн. Алдаа сул талаа ч олж харлаа. Түүнийгээ засаж залруулах шаардлагатай гэж 2:0-ээр хожсоны дараа Артета хэллээ.
