Германы Мюнхен хотноо долоо дахь хоногтоо үргэлжилж буй ЕАШТ-ний ширээний теннисний нэгбүрчилсэн төрөлд Германы шигшээ багийн тоглогч Чиу Данг финалд Словенийн Жоргичийг 4:1(10-12, 14-12, 11-8, 11-9, 11-2)- ээр буулган авснаар Европ тивийн аварга боллоо. Эхний өргийг алдсан ч, дараалан дөрөв хожиж, тивийн аваргын анхныхаа цомыг өргөлөө. - Үүлэнд хөвж яваа юм шиг сэтгэгдэл төрж байна. Хорвоогийн хамгийн дээд жаргалыг мэдэрч байна гэж тэрбээр сэтгэгдлээсээ хуваалцлаа. Шинэхэн аварга болсон Чиу нь Германд, теннисчиний гэр бүлд мэндэлсэн байна. Түүний эцэг, эх нь хоёулаа Хятадаас нүүдэллэж очсон мэргэжлийн ширээний теннисчид бөгөөд, Германы Лигт тоглодог байсан аж. Киугийн ах нь ч мөн Германы хоёрдугаар Лигт тоглодог юм байна.
- Хоёр дахь өргийг өөрийн хожил болгосноор тоглолтын хувь заяаг эргүүлж чадсан. Үзэгчдийн алга таших дэмжлэг ч нөлөөлсөн. Тэр өргөөс хойш дараалан 3 хожсоноор аваргын цомыг өргөлөө. Домогт Аваргуудын эгнээнд нэгдсэндээ туйлаас баяртай байна гэж тэр хэллээ. Тэрбээр наймны нэгт, Европ тивийн 8 удаагийн аварга Тимо Боллыг 4:0, хагас шигшээд Шведийн Маттиас Флаккыг 4:1-ээр буулган авч финалд шалгарсан.
- Дэлхий, олимпод амжилт гаргах үлдлээ. Тэгэж байж л аваргаа хамгаална гэж Чиу нэмж хэлэв. Германд болсон Европын АШТ -д Германы эмэгтэй багийн тоглогч ч мөн финалдсан. Тоглолтын харьцаа нь 2:2 байх үед Нинагийн мөрний бэртэл сэдэрсний улмаас тоглолтыг орхисноор Австрийн София Полканова мөн л анх удаа аваргын титмийг зүүлээ. Ийнхүү Европын шинэ аваргууд Мюнхенээс мэндэллээ.
Ц.ЭНХБАТ