Йорданы нийслэл Амманд хотноо болж сонирхогчдын боксын Азийн аварга шалгаруулах элит ангиллын тэмцээнд оролцож Монголын баг тамирчдаас өчигдөр 75 кг-д ОУХМ Ж.Отгонжаргал Тайландын боксчинд 3:2-оор ялагдлаа.
Мөн энэ өдөр эмэгтэй 57 кг жинд Орхон аймгийн ОУХМ М.Намуун эхний тойрогт Тайландын Нилаван Течасуптай учраа таарч түүнд 5:0-ээр ялагдсан юм.
Өнөөдөр Ази тивийн аварга шалгаруулах тэмцээн орой 18 цагаас эхний хос болох Монголын тамирчин ОУХМ Б.Төгөлдөр 63.5 кг жинд Энэтхэгийн тамирчинтай тулалдах бол 71 кг-д О.Бямба-Эрдэнэ, Узбекистаны тамирчин /9 дэх хос/ тус тус тулаан хийнэ.
Харин шөнө 23 цагаас эхний хос болох 48 кг-д О.Өнөболд, Филиппин боксчинтой тулалдах бол 51 кг-д Х.Энхмандах Йордан /3 хос/-тай, 57 кг-д Г.Лундаа, Бахарейн /11 дэх хос/ тамирчинтай, 60 кг-д Б.Буяндалай, Малайз /18 дахь хос/-тай тус тус тулалдахаар болжээ.
Эх сурвалж: МОНЦАМЭ