- Ямар Ливерпуль баг байх МСИ -ийн эсрэг тоглохыг таашгүй. Эрлинг Хааланд тоглолтыг өнжих нь. Гэхдээ түүнгүйгээр МСИ баг Английн аварга болж байсан гэдгийг санах ёстой гэж МСИ багтай тоглолт хийхийн өмнө Клопп ярилцлага өгч байсан. Энэ бол Ливерпуль баг хожно гэж хэлээгүй ч, Ливерпуль хожно болно гэдгийг далдуур илтгэсэн санаа юм. Тэгвэл 4:1-ээр хожигдсоны дараа: - Яг одоо тоглогчдодоо хандаж хэлэх үг алга. Бүх зүйл алган тавьсан мэт ил байна. Талбайд гарсан тоглогч бүр л дор бүрнээ бодон тунгаах шаардлагатай. Маргааш тоглолтоо дүгнэнэ. Яагаад хожигдсоноо багаараа хэлэлцэнэ. Бид илүү сайн тоглох учиртай. Түүнээс гадна, тогтвортой, жигд тоглолт үзүүлэх шаардлагатай. ПЛ- т тааруу тоглох, дэндүү итгэлгүй байх нь байж болохгүй зүйл атал, ийм л зүйл манай багт ажиглагдах болов гэж Клопп тоглолтоо дүгнэлээ. Энэ улиралд Ливерпуль топ-4 - т багтаж чадахгүй, улмаар ирэх улиралд Аваргуудын Лигт зодоглох эрхээ алдах тохиолдолд Ливерпуль багийн удирдлага Клоппийг " зайлуулах"-аас өөр шийд гаргахгүй болов уу.
Ц.ЭНХБАТ
