"Ааш ихт" гэх хочийг дагуулах болсон Жозе Моуриногийн удирдсан "Рома" баг дэвшил гаргасаар байна. Английн "Тоттенхэм" багаас хөөгдсөн тэрбээр Сериа-А-д ирсэн анхны улиралдаа л цом өргөж, фанатуудынхаа тоог тэлсэн. Түүний удирдсан Рома баг өнгөрсөн улиралд "Европа Конференсе" Лигт анх удаа түрүүлснээр Европа Лигт өрсөлдөх эрхээр шагнуулсан. Түүндээ ч урамтай тоглолт үзүүлж, Рома баг ЕВРОПА Лигийн шигшээ наймд шалгарч, өмнөх улиралд "Конференсе" Лигт Рома багтай финалдаж, мултарсан Голландын "Фейнорд" багтай шигшээ наймд дахин учрах сугалаа таарсан. Тэднийг хожсон тохиолдолд урагшилж, шөвгийн дөрөвт үлдэх болно. Энэ магадлал ч өндөр. Европа Лигт ийм амжилт үзүүлж буй Рома баг Серия-А Лигийн ээлжит тойрогт Ториног 1:0-ээр хожсоноор хүснэгтийн гуравдугаарт байр луу дэвшлээ. Энэ байр сууриа бэхжүүлж чадах аваас ирэх улиралд Рома баг Аваргуудын Лигт өрсөлдөх эрхийг халааслана. Итали хэлээр чөлөөтэй ярьдаг Жозе Моуриногийн хувьд Италид ирсэн нь түүний унаж байсан рэйтингийг дахин сэргээсэн боломж боллоо.
Ц.ЭНХБАТ