Жюү жицүгийн спортоор найман настай балчраас наян настай буурал ч хичээллэх боломжтой. Монголын үндэсний бөхийнхөн ч чөлөөт цагаараа жюү жицүгээр хичээллэж өндөр амжилт үзүүлсээр байгаа юм.
Дэлхийн аварга шалгаруулах тэмцээний эхний өдөр “Мастерс” ангиллын +94 кг-ын жинд Сэлэнгэ аймгийн Сайхан сумын харьяат улсын начин Б.Дэлгэрсайхан алт, Төв аймгийн Баянцагаан сумын харьяат аймгийн заан Б.Мягмардорж мөнгө, Сүхбаатар аймгийн Онгон сумын харьяат аймгийн хурц арслан О.Баярхүү хүрэл медалиар энгэрээ мялааж гурвуулаа шагналын тавцанд зэрэгцэн зогссон юм.
Тэгвэл не-ваза төрлийн -94 кг-д Төв аймгийн Баянхангай сумын харьяат аймгийн начин Э.Чойням хүч үзсэн бол +94 кг-д Өвөрхангай аймгийн Баян-Өндөр сумын харьяат аймгийн арслан Т.Ядамсүрэн буюу Довчинсэмбээ, Ховд аймгийн Алтай сумын харьяат аймгийн нэмэх начин Б.Баатарболд нар өрсөлдөж байна.
Эх сурвалж: Монцамэ
