Дэлхийн оюутны спортын 31 дэх удаагийн Универсиад наадмын хаалтын ёслол БНХАУ-ын баруун өмнөд нутгийн Сычуань мужийн нийслэл Чендү хотын “Open Air Music Park” хүрээлэнд мягмар гаргийн орой боллоо.
Долоодугаар сарын 28-наас наймдугаар сарын 8-ны хооронд үргэлжилсэн энэхүү наадамд 113 улс орон, бүс нутгийн 6500 тамирчин спортын 18 төрөлд 269 багц медалийн төлөө өрсөлдөж, 12 өдрийн турш үргэлжилсэн уралдаан тэмцээнүүдийн явцад Олон улсын оюутны спортын холбооны /ОУОСХ/ дээд амжилтууд 22 удаа шинэчлэгджээ.
Хятадын усан сэлэлтийн тамирчин Жан Юфэй оролцсон бүх төрөлдөө есөн алтан медаль хүртсэнээр Универсиадын хамгийн өндөр амжилт гаргасан тамирчин болов. Нийт 411 тамирчны бүрэлдэхүүнтэй Хятадын баг нийтдээ 178 медаль, түүний дотор 103 алтан медалийг эх орондоо авчирснаар медалийн чансаагаар тэргүүлжээ. Медалийн хүснэгтэд 53 улс орон, бүс нутгийн нэр бичигдсэнээс 35 нь хамгийн цөөндөө нэг алтан медальтай нутаг буцжээ.
“Чендү-2021” наадмын хаалтын ёслолд БНХАУ-ын Төрийн зөвлөлийн гишүүн Шэнь Ичинь, ОУОСХ-ны тэргүүний үүрэг гүйцэтгэгч Леонз Эдер, Чендүгийн Универсиадыг зохион байгуулах хорооны дарга Хуан Чян нар оролцов. Ноён Л.Эдер Дэлхийн оюутны спортын 31 дэх удаагийн Универсиад наадмыг зохион байгуулалтыг өндрөөр үнэлж буйгаа илэрхийлэн наадам өндөрлөснийг зарлажээ.
Хятадын баруун нутагт орших, 2300 гаруй жилийн түүхтэй метрополис хот Чендү хоёр жил тутамд зохион байгуулагддаг Зуны Универсиадыг зохион байгуулж буй Хятадын эх газрын гурав дахь хот болж байна. Өмнө нь Бээжин 2001 онд, Шэньжэн 2011 онд зохион байгуулж байв. Мөн Хятадын баруун нутгийн хотод олон улсын томоохон спортын тэмцээнийг анх удаа зохион байгуулсан тохиолдол энэ боллоо.
“Чендү мөрөөдлийг биелүүлнэ” уриатай Универсиадыг 2021 оны зун зохион байгуулахаар товлоод байсан боловч “COVID-19” цар тахлын улмаас 2023 он хүртэл хойшлуулсан билээ.
Хаалтын ёслолын үеэр ОУОСХ-ны тугийг Сычуань мужийн уугуул, дэлхийн аварга шумбагч Гао Минь, Чендүгийн Универсиадаас Хятадын анхны алтан медалийг хүртсэн тамирчин Цао Маоюань нар Л.Эдер болон ОУОСХ-ны Ерөнхий нарийн бичгийн дарга бөгөөд гүйцэтгэх захирал Эрик Сентронд гардуулан өгч, улмаар Германы Бундестагийн гишүүн, дараагийн наадмыг зохион байгуулах Рейн-Рур хотын төлөөлөгч Махмут Оздемирт дамжууXinhua
Эх сурвалж: Монцамэ
