Аэробик гимнастикийн өсвөр үе, насанд хүрэгчдийн ДАШТ БНСУ-ын Инчён хотод үргэлжилж байна. 12-14 насны ангиллын хосын төрөлд О.Энхтүшиг, Ж.Азжаргал нар 18.000 оноогоор шигшээд шалгарсан талаар бид өмнө нь мэдээлж байсан. Тэгвэл дөнгөж сая манай тамирчид финалд өрсөлдөн, 18.500 оноогоор V байрт шалгарлаа.
Мөн өнөөдөр 12-14 насны ангиллын багийн төрөлд шигшээд үлдсэн тамирчид өрсөлдөнө. Багийн бүрэлдэхүүнд дасгалжуулагч Э.Мөнх-Оргил, С.Тунгалаг, Б.Мөнхбат нарын удирдлага дор О.Энхтүшиг, Н. Баян-Эрдэнэ, Ж.Азжаргал, Э.Марал, Б.Ариунзул нар багтаж байгаа юм.
А.САЯН