Африк тивийн 7 удаагийн аварга Египетийн хөлбөмбөгийн үндэсний шигшээ баг "ДАШТ- 2026 "-д шалгарах бэлтгэлдээ гарч, бүх тамирчдаа дууджээ. "Хар алмаз" гэж нэрлэгдэх Африк тивээ төлөөлөн 1934, 1990, 2017 онд ДАШТ-д тоосоо өргөж байсан Египетийн багийн ахлагч Мухамед Салах ч Премьер Лигийн тоглолтоос чөлөө аван хүрэлцэн иржээ. Тэдний хувьд хамгийн сүүлд ОХУ-д зохиогдсон ДАШТ-д Оросын хэсэгт багтсан ч, олигтой тоглолт үзүүлж чадаагүй. - ДАШТ-д оролцох эрх авна гэдэг бол том амжилт. ДАШТ-ий орлогоос ихээхэн хэмжээний санхүүжилтийг ДАШТ -д шалгарч оролцсон багуудад олгодог. Тэр байтугай ДАШТ-д шалгараагүй багуудад ч энэ орлогоос " дусаадаг". Ингэснээрээ үндэсний шигшээ багийн цаашдын хөгжилд томоохон дэмжлэг болдог.
Энэ бол гишүүдээ дэмжих, хөлбөмбөгийг тэгш хөгжүүлэх ОУХБХ-ны бодлого юм. 2017 онд бид хамгийн сүүлчийн мөчид Конгын багийг хожиж энэ эрхээ халаасалсан. Биднээс их зүйлийг хүлээж байсан нь үнэн. Харамсалтай нь, би мөрөндөө гэмтэл авч, тэр хүлээлтийг биелүүлж чадаагүй. Энэ удаад манай баг туршлага ч суусан, тамирчид маань хүчирхэгжсэн. Aфрик тивийн Марокко баг өнгөрсөн ДАШТ -ий нээлт болсноос үзвэл Африк тивийн багуудын ур чадвар нийтдээ өсөж дээшилсэн. Бидний хэсгийн гол өрсөлдөгч бол яах аргагүй Этиопийн баг гэж салах тодотголоо.
Э. ОТГОНЖАРГАЛ
