Загреб хотод болсон ЕВРО-2024 тэмцээний урьдчилсан шатны тоглолтод Хорватын хөлбөмбөгчид Армений багийг 1:0-ээр хожлоо.
Тоглолтын 43 дахь минутад Анте Будимир гоол оруулжээ.
Хорватын шигшээ баг 16 оноотойгоор D хэсгийн хоёрдугаар байрт, туркчүүд 17 оноотойгоор нэгдүгээрт бичигдлээ. 12 оноотой Уэльсийн баг гуравдугаар байрт жагсаж байгаа бөгөөд Үндэстнүүдийн лигийн хасагдах шатны тоглолтоос Евро-2024-т шалгарах боломжтой.
Хорватын хөлбөмбөгчид 2024 оны Европын аварга шалгаруулах тэмцээнд оролцох эрхийг авсан 21 дэх баг боллоо. Германы шигшээ баг зохион байгуулагчийн хувиар тус тэмцээнд шууд оролцоно.
Өмнөх тоглолтуудын дүнгээр Австри, Албани, Англи, Бельги, Дани, Испани, Итали, Нидерланд, Португал, Румын, Серби, Словак, Словени, Унгар, Турк, Франц, Чех, Швейцарь, Шотландын багууд ЕВРО-2024-ийн шувтаргын шатанд шалгараад байгаа юм. Үлдсэн гурван баг нь A, B, C хэсгүүдийн плей-оффын тоглолтын дүнгээр шалгарна.
Эх сурвалж: ЗАГРЕБ, 2023 оны арваннэгдүгээр сарын 22. /ТАSS/
