"Хойд Солонгосын нийслэл Пхеньян хотод ирэх долоо хоногт төлөвлөсөн байсан Хойд Солонгос- Японы хөлбөмбөгийн багийн тоглолтыг бүрмөсөн цуцаллаа" гэж ОУХБХ- оос мэдэгдлээ.
" Токиод бактерийн гаралтай, үхлийн аюултай халдварт өвчин гарсан тул Японы багийг хүлээн авахгүй. Тэмцээн хийвэл дундын талбайд хийнэ " гэсэн Хойд Солонгосын Хөлбөмбөгийн Холбооны шаардлагыг ОУХБХ хүлээн зөвшөөрч, тэмцээнийг ирэх долоо хоногт хийхээр хойшлуулсан байсан. Гэвч энэ хоёр багийг талбайдаа тоглуулах улс орон нэгэнт олдсонгүй. Хоёрдугаарт цаг хугацааны хувьд ч амжихаа болилоо. Нэг улсын эрх ашгийг энэ маягаар тооцоод байвал бид шалгаруулалтаа цаг хугацаандаа хийж амжихгүй болох нь. Тиймээс Хойд Солонгос- Японы багийн хариу тоглолтыг бүрмөсөн цуцаллаа. Зөв зохистойгоор шийдвэрлэж өгөхийг хүсэж, энэ асуудлыг ОУХБХ-ны Сахилгын хороонд шилжүүлсэн. Тоглолтыг талбай дээрээ зохион байгуулахаас дур мэдэн татгалзсан Хойд Солонгосын багийг торгож, дүрмийн дагуу 3:0-ээр хожигдсон шийдвэр гарах магадлалтай гэж ОУХБХ-ны албан ёсны эх сурвалж мэдээллээ.
Японы хөлбөмбөгийн баг шалгаруулалтын тэмцээнд оролцох визээ авахын тулд Бээжинд хүлээж, Японы албаны 15 хүнтэй
Токио хотод болсон эхний тоглолтонд Японы баг 1:0-ийн харьцаагаар Хойд.Солонгосын багийг хожсон байна. Энэ хоёр багтай хамт Мьянмар, Сири улсын багууд "Б" хэсэгт багтжээ. Гурван тоглолтын дараахи байдлаар Японы хөлбөмбөгийн баг гурван хожил, 9 оноотойгоор хэсгээ хошуучилж буй аж. Тэд энэхүү хожлыг авбаас 12 оноотой болж, харин Хойд Солонгосын баг 3 оноотойгоо гуравдугаарт байрт хэвээр үлдэх болно гэж Киодо агентлаг мэдээллээ.
Японы хөлбөмбөгийн баг Пхеньяны хариуг хүлээж Бээжинд долоо хоноод өнөөдөр буцжээ.
Э.ЛХАГВАСҮРЭН (Токио хотоос мэдээллээ)
