Европын хөл бөмбөгийн холбооноос Туркийн шигшээ багийн хамгаалагч Мерих Демиралд Европын аварга шалгаруулах тэмцээний /ЕАШТ/ хоёр тоглолтод оролцох эрхийг нь хасах шийтгэл оноолоо.
Германд болж буй ЕАШТ-ий 1/8 шигшээд Туркийн шигшээ баг Австрийн багийг 2:1-ээр хожсон юм. Долоодугаар сарын 2-нд болсон энэ тоглолтод Демирал дубль хийсэн. Хоёр дахь гоолын дараа тоглогч Туркийн үндсэрхэг үзэлтнүүдийн байгууллага болох "Саарал чононууд"-ын дохио зангааг харуулжээ.
Туркийн шигшээ баг тус тэмцээний шөвгийн наймд Нидерландын багтай долоодугаар сарын 6-нд тоглоно.
Эх сурвалж: БЕРЛИН, 2024 оны долоодугаар сарын 5 /Bild/
