Олимпын хошой аварга, Норвегийн тамирчин Якоб Ингебригтсен Олон улсын хөнгөн атлетикийн холбооноос зохион байгуулдаг “Даймонд лиг” хөнгөн атлетикийн тэмцээний эрэгтэйчүүдийн 3000 метрийн зайн уралдаанд дэлхийн дээд амжилтыг эвдлээ. Уралдаан Польшийн Силезид ням гарагт болжээ.
Тэрбээр 3000 метрийн зайг 7 минут 17.55 секундэд туулж, түрүүлснээр Кенийн тамирчин Даниэль Комены 1996 онд тогтоосон 7 минут 20.67 секундийн амжилтыг эвдсэн байна.
Өдгөө 23 настай Ингебригтсен нь 2020, 2024 оны Олимпын наадмын хошой алтан медальтан, дэлхийн хоёр удаагийн аварга (2022, 2023) бөгөөд задгай цэнгэлдэх хүрээлэнд явагддаг Европын хөнгөн атлетикийн аварга шалгаруулах тэмцээнд зургаан удаа, Европын хөнгөн атлетикийн танхимын аварга шалгаруулах тэмцээнд таван удаа түрүүлжээ.
