Хөлбөмбөгийн Зүүн Азийн аварга шалгаруулах тэмцээний урьдчилсан шатанд оролцохоор бэлтгэлээ базааж байгаа Монголын шигшээ баг легионеруудын эсрэг өнөөдөр тоглоно.
Хүрхрээ лигт тоглож байгаа легионер тоглогчдын багийг Японы мэргэжилтэн Фукуда дасгалжуулж байна. Багийн бүрэлдэхүүнд Нигери, Америк, Серби, ОХУ, Япон, Итали зэрэг улсын тамирчид багтаж байгаа юм. Монголын үндэсний шигшээ багийг З.Баттулга дасгалжуулагч болон түүний туслах дасгалжуулагч Шадаб Ифтихар нар удирдаж байна. Тоглолт 18.00 цагт Цэнгэлдэх хүрээлэнд болох бол 25-ны тоглолт МХБХ-ны цэнгэлдэх хүрээлэнд болох юм.
А.САЯН