Өнөөдөр Олон улсын олимпийн хорооны гишүүн 206 орон “Олимпийн өдөр”-ийг тэмдэглэн өнгөрүүлж байна. Манай улсын хувьд энэ өдрийг жил бүр тэмдэглэж ирсэн бөгөөд өнөөдөр МҮОХ-ны гадна талбайд олимпизмийн үйл хэрэгт нэгдэж буйн илэрхийлэл болгон “Бөртэ чоно-Таван цагираг” хөшөөг МҮОХ-ны өмнөх талбайд сүндэрлүүллээ. Тус хөшөөний нээлтэд Монголын Олимпизмийн үе үеийн нэртэй зүтгэлтнүүд, Олимпийн медальтнууд, тамирчид, дасгалжуулагч нар оролцсон юм. Монголчууд олимпийн хөдөлгөөнд нэгдсэнээс хойш анх удаа 44 жилийн дараа 2008 оны Бээжингийн зуны олимпийн наадмаас анхны олимпийн аварга тамирчдаа өлгийдөн авсан. “Рио-2016” олимпийн наадамд Монголын баг тамирчид түүхэндээ хамгийн олон хүний бүрэлдэхүүнтэй оролцох гэж байна.
А.САЯН