Рио-2016 олимпоор Монголчууд олимпийн дээд рекордоо тогтоохыг хүсэж байна. Бээжингийн олимпийн дээд амжилтыг эвдэж, амжилтаа ахиулна гэсэн зорилт тавьснаа Монголын биеийн тамир спортын хорооны дарга А.Бахытжан, Үндэсний олимпийн хорооны ерөнхий нарийн бичгийн дарга Ото нар тамирчидтайгаа хуваалцсан байна.
Саяхан л, найман жилийн өмнө олимпийн аваргатай болох юмсан гэж мөрөөдөж байсан Монголчуудад аварга болно гэдэг сонин зүйл биш болжээ, нэгэнтээ. Энэ удаа Монголчууд анх удаа 50 тамирчин оролцох боллоо. Энэ тавиас 5 нь гэхэд л олимпийн аварга болох бүрэн боломжтой гэж мэргэжилтнүүд итгэл дүүрэн хэлж байна. Чөлөөт бөх, жудо, бокс бол дээд амжилт үзүүлэх, энэ таван алтыг авчрах гол төрлүүд юм. Сумьяа, Батцэцэг гээд олон бүсгүйчүүдтэй энэ итгэл найдвараа Монголчууд холбож байгаа. Дээр нь буудлага, байт харваа бол медалийн тавцанд гарах төрөл.
Монголчууддаа амжилт хүсье. Зорилгоо биелүүлээд ирэхийг аваргууддаа ерөөе.
Спортын тоймч Э.ЦЭНД
