Кисеносато. Түүнийг аварга болно гэж япончууд хүлээсээр. Саяын башёд түрүүлсэн бол шууд л аварга болж, сумогийн ертөнцийг доргиох байлаа. Тэр сайн барилдсан. Их аварга Хакухог хаяж, өөртөө боломж үлдээсэн ч, Харумофужи түүний горьдлогыг тасаллаа. Яагаад гэвэл, наадмын сарын барилдаанд Харумофужи хүчтэй байдаг.
Өнгөрсөн жил ч Харумофүжи долдугаар сард бас л түрүүлсэн. Түүний найман удаа түрүүлсний 3 долдугаар сард гэдэг нь сонирхол татдаг. Кисеносатогийн хувьд, түүний дэмжигчдийн хувьд бас л дараагийн башёг хүлээх болов. Энэ удаа сайн барилдсан түүнд дараагийн башёд түрүүлэх, эсвэл 12 болон түүнээс дээш давбал аварга цол олгох болзлын тухай яригдаж эхэлсэн байна.
Ирэх башёгоос Япончуудын Япон Ёкозунатай болох мөрөөдөл биелэхэд нэг алхам ойртлоо. Монголчууд бол өөр. Барилдахаа больж, бөхийн карьераа зогсоосон бөхдөө ч цол өгч чаддаг ард түмэн. Барилдаанаар биш, лоббигоор даян аварга болсон бөхчүүд ч бий.
Э.ЦЭНД
