Багийн аварга шалгаруулах тэмцээн багийн гишүүн бүрийн амжилтаас хамаардаг. Тэр жилийн Атлантын Олимпод Америкийн эмэгтэй баг сайн бэлдэж орсон. Багийн тамирчид бүгдээрээ жигд учир өндөр амжилт үзүүлнэ гэдэгт бүгд найдаж байсан. Гэтэл эхнээсээ сайн явж байсан АНУ-ын эмэгтэй багийн гол тамирчны нэг Керри Струг зүүн хөлийнхээ шагайд гэмтэл авсан нь асуудал үүсгэсэн байдаг. Орлон тоглуулагч оруулах эрхгүй сүүлийн үзүүлбэр үлдсэн. Баг нь алт авахад өндөр оноо, алдвал алдрын тавцангаас мултрах гээд байдаг. Энэ үед Керри зориг гаргаж, багийхаа тамирчдын итгэл найдварын төлөө эцсийнхээ оролдлогыг хийсэн нь энэ.
Америкийн эмэгтэй баг анх удаа Олимпоос алтан медаль авсан түүхийг Керри бичилцлээ. Тэр хоёр дахь үсрэлтээс буухдаа хөлийнх яс шажигнаад явчихыг сонссон гэдэг. Гэсэн ч тэр өвчин, зовлон бүхнийг тэрхэн зуур мартсан байна. Ийм нэгэн амжилтыг Монголын жудоч, Олимпийн аварга Н.Түвшинбаяр бас Лондонд үзүүлж байсан тал бий.
Э.ЦЭНД