"Олимпод аваргалах юмсан гэдэг бодол бол теннис тоглож эхэлснээс хойшхи миний мөрөөдөл юм" гэж олимпийн алтан медаль энгэртлээ зүүснээс 37 минутын дараа Ма Лонг хэлэв.
"Өнөөдөр миний мөрөөдөл биеллээ" гэж тэр нэмж хэлээд, -Хамгийн гол нь, Жан Жайк бид хоёр маш өндөр түвшний тоглолт үзүүллээ. Энэ бол теннисний цаашдын хөгжилд маш үнэ цэнтэй, магадгүй миний олимпийн алтан медалиас ч илүү чухал гэж би үзэж байна" гэж финалын тоглолтоо үнэллээ.
Хэдийгээр, 14:12, 11:5, 11:4,11-4 харьцаагаар багийнхаа гишүүнийг буулгаж олимпийн аварга болсон ч, тоглолтын тооны үзүүлэлт бус, түвшин нь асар дээд түвшинд байсныг тэр цохон тэмдэглэлээ. Түүний нэгдүгээр байр Хятадын багт 11 дэх алтан медалийг авчрав. Одоо дөнгөж 27 настай , дэлхийд 1-рт эрэмблэгдэж буй Ма Лонг Рио-гийн олимпийн аварга болсноор хятадын шигшээгийн дасгалжуулагч Лиу Гуолянг, эмэгтэй шигшээ багийн дасгалжуулагч Конг Лянхуй, Шведийн алдарт теннисчин Ян Уве Валднер, багийн нөхөр Жан Жайк нартай амжилтаараа мөр зэрэгцсэн 5 дахь эрэгтэй теннисчин боллоо.
Э.ЛХАГВАСҮРЭН
