Зуны олимпийн 31-р наадмын эмэгтэй чөлөөт бөхийн тэмцээний 48, 58, 69 кг-ын жингийн барилдаанууд болж өндөрлөлөө. Манай улсаас 58 кг-ын жинд П.Орхон, 69 кг-ын жинд О.Насанбурмаа нар тус тус 7 барилдаан хийснээс 3 ялалт авч 4 ялагдал хүлээснээр медальд хүрч чадсангүй.
Тэмцээний эхний өдөр 12 медалийг Азербайжан, Болгар, Казахстан, ОХУ, Тунис, Швед, Энэтхэг, Япон гэсэн 9 орны бөхчүүд хуваан авсны дотор японы бөхчүүд 3 алт, оросын бөхчүүд 2 мөнгөн медаль авлаа. 58 кг жинд өдгөө 30 настай дэлхийн арав, олимпийн гурван удаагийн аварга Японы алдарт бөх Каори Ичо Риогийн олимпд дахин түрүүлж 4 дэхь алтан медалиа хүртсэнээр бөмбөрцөгийн хамгийн хүчтэй бөх гэдгээ дахин нотоллоо.
48 кг
1. Эри Тосакo, Eri Tosako /ДАШТ-ний мөнгө, 3 алтан медальт, оюутны Универсиад наадмын болон Азийн спортын наадмын аварга/
2. Мария Стадник, Mariya Stadnyk /Азербайжан, олимпийн хүрэл, ДАШТ-ний алт, мөнгөн медальт, европийн спортын наадмын болон европийн 4 удаагийн аварга/
3. Сун Янан /БНХАУ, ДАШТ-ний алт, мөнгөн медальт/
3. Элиса Атанасова Янкова, Elitsa Atanasova YANKOV /Болгар, залуучуудын дэлхийн аварга, европийн спортын наадмын мөнгөн медальт/
58 кг
1. Каори Ичо, Kaori Icho /Япон, олимпийн 3 удаагийн, дэлхийн 10 удаагийн аварга, Азийн наадам болон аварга шалгаруулах тэмцээний аварга/
2. Валерия Коблова /Жолобова/, /ДАШТ-ний мөнгө, хүрэл, Зуны оюутны Универсиад наадмын аварга, европийн хошой аварга/
3. Марва Амри, Marwa Amri, /Тунис, африкийн 7 удаагийн аварга/
3. Сакши Малик, Sakshi Malik /Энэтхэг, азийн аварга шалгаруулах тэмцээний хүрэл медальт/
69 кг
1. Сара Дошо, Sara Dosho /Япон, ДАШТ-ний мөнгө, хошой, хүрэл медальт, оюутны Универсиад наадмын аварга/
2. Наталья Воробьёва, Natalya Borovioba /ОХУ, олимпийн аварга, ДАШТ-ний алт, мөнгө, хүрэл медальт, Оюутны Универсиад наадмын аварга, залуучуудын ДАШТ-ний 3 удаагийн аварга, Европийн спортын наадмын хүрэл медальт, европийн хошой аварга/
3. Эльмира Сыздыкова, Elmira Syzdykova /Казахстан, азийн өсвөрийн болон залуучуудын аварга/
3. Анна Женни Ева Мария Франссон, Anna Jenny Eva Maria Fransson /Швед, дэлхийн аварга/
А.САЯН