Зуны XXXI олимпийн наадамд манай улсаас анх удаа таеквондогийн төрлөөр Алдар спорт хорооны тамирчин Пүрэвжавын Тэмүүжин, 68 кг-ын жинд оролцлоо.
Тэрбээр эхний тулаанаа Мексикийн Саул Гутьррестэй хийж, 12:11 онооны харьцаагаар ялан шигшээ наймд үлдсэн. Улмаар шийдвэрлэх тулаанд Испанийн тамирчин Г.Бониллатай хийж 7:4 онооны харьцаагаар хожигдсон юм. Испанийн тамирчин Г.Бониллагийн хувьд Лондонгийн олимпийн аварга 2009, 2011 оны дэлхийн аварга, энэ жингийн шилдэг тамирчин.
Ийн П.Тэмүүжин таеквондогийн спортоор Монголоос анх удаа олимпийн наадамд оролцсон түүхийн эзэн болж, басхүү шигшээ наймд үлдсэн амжилтыг үзүүлснээр таеквондогийн спортоор хичээллэж байгаа олон зуун залууст урам зориг өглөө.
А.САЯН