Эрэгтэй чөлөөт бөхийн тэмцээний хоёр дахь өдөр болох 86, 125 кг-ын жингүүдийн бөхчүүдийн сугалаа гарсан байна.
86 кг-ын жинд 19 бөх өрсөлдөнө. “А” хэсэгт 8, “Б” хэсэгт 11 бөх таарчээ. “Б” хэсэгт орсон олон улсын хэмжээний мастер О.Үйтүмэн нэгдүгээр тойрогт Болгарын бөх, дэлхийн аварга Михаил Петров Ганевтай учраа таарсан байна.
125 кг-ын жинд 20 бөх өрсөлдөж, “А” хэсэгт 8, “Б” хэсэгт 12 бөх таарчээ. “А” хэсэгт орсон олон улсын хэмжээний мастер Ж.Чулуунбат нэгдүгээр тойрогт Туркийн бөх, ДАШТ-ний хүрэл, хошой алтан медальт, Зуны “Универсиад” наадмын аварга, европийн спортын наадмын аварга, тивийн 3 удаагийн аварга Таха Акгультай барилдана. Барилдаан Монголын цагаар 22:00 цагт эхлэх юм.
А.САЯН
