Бразилын Рио-Де-Жанейро хотноо паралимпийн XV наадам нээлтээ хийлээ. Энэхүү наадамд манай улсаас байт харваа, жүдо, буудлага, хөнгөн атлетик, пауэрлифтинг гэсэн төрлөөр найман тамирчин өрсөлдөнө.
Эхний өдөр буюу өнөөдөр жүдо бөхийн 60 кг-ын жинд Б.Ууганхүү эзэн орны бөх Мэсута Понтэс, 66 кг-д А.Мөнхбат Пуэрто Рикогийн бөх Пэрэз Диазтай эхний тойрогт оноолт таарчээ. Харин хөнгөн атлетикийн төрлөөр анх удаа оролцож буй Г.Цогтгэрэл бөөрөнцөг болон зээрэнцэг шидэлтийн төрөлд өрсөлдөх юм.
Тэмцээн өнөөдөр Улаанбаатарын цагаар 22:00 цагаас эхэлнэ.
А.САЯН