Бразилийн Рио-де-Жанейро хотноо Зуны XV паралимпийн наадам хоёр дахь өдрөө үргэлжлэн явагдлаа. Өчигдөр болсон буудлагын гар бууны 10 метрийн дасгалд З.Ганбаатар өрсөлдөж, 18 дугаар байр эзэлжээ. Манай тамирчин 555 оноо авснаар шигшээ буудлагад шалгарч чадаагүй байна. Энэ дасгалд 49 тамирчин өрсөлдсөнөөс БНХАУ, БНСУ, Узбекистаны буудагчид медальт байранд шалгарчээ.
З.Ганбаатар пара буудлагын эрэгтэй тамирчдаас анх удаа паралимпийн наадамд оролцож байна. Түүний хувьд 10, 50 метрт өндөр амжилтыг үзүүлдэг бөгөөд 2014 онд Германд болсон ДАШТ-ээс Риогийн эрхээ авч байсан юм.
А.САЯН
