Бразилийн Рио-де-Жанейро хотноо Зуны XV паралимпийн наадам эд дундаа үргэлжлэн явагдаж байна. “Рио 2016” паралимпийн наадмын байт харвааны тэмцээн бямба гаригаас 9.10 эхэлсэн бөгөөд 40 орны 137 тамирчин эрэгтэй 79, эмэгтэй 58 70 метрийн рекурв, 50 метрийн ангилалд ганцаарчилсан, холимог багаар өрсөлдөж байна. Байт харвааны холимог хосын төрөлд Д.Баатаржав, Б.Оюун-Эрдэнэ нар хүч үзэн гараагаа амжилттай эхэлж, урьдчилсан шатанд Герман, Польшийн багийг дараалан хожиж, хагас шигшээд шалгаран үлдсэн. Ингэснээр медалийн төлөө өрсөлдөх боломжтой болсон манай харваачид харамсалтай нь БНХАУ-ын багийг дийлсэнгүй.
Хүрэл медалийн төлөө Италийн багтай учраа таарсан ч эхний үед 35:24, дараагийн үед 30:30, гуравдугаар үед 33:31-ээр ялагдаж, шагналт дөрөвдүгээр байрт орлоо.
Шөвгийн 16 : Монгол - Герман - 5-3
Шөвгийн найм : Монгол – Польш 5-4
Мөнгөн медалийн төлөө : БНХАУ – Монгол 6-0
Хүрэл медалийн төлөө : Итали – Монгол 5-1
Ц.БАТТУЯА
