Бразилийн Рио-де-Жанейро хотноо болж буй Зуны XV паралимпийн олимпод манай улсаас 8 тамирчин оролцож байгаа бөгөөд өчигдөр манай тамирчин Э.Содномпилжээ пауэрлифтингийн төрлөөр оролцож хүрэл медаль хүртээд байна. Тэрээр 88 кг-ын жинд өрслдөж 210 кг-ыг өргөн паралимпийн медальтан болж, медалийн тавцанд АНЭУ, Бразилийн тамирчдын хамт зогслоо.
Энэ жинд эрхээ авч оролцсон шилдэг 10 тамирчин өрсөлдсөнөөс АНЭУ-ын Х.Мохаммед 220 кг-аар алтан медалийн эзэн болсон бол Бразилийн Да Силва Эванио 210 кг-ээр мөнгөн медаль хүртсэн.
Ц.БАТТУЯА