Дасгалжуулагч Ц.Цогтбаяр, Б.Баяраа нар Монголын олимпийн хороогоор дамжуулан уучлал хүлцэл гуйсан утга бүхий нэгэн захидлыг Дэлхийн Нэгдсэн Бөхийн Холбоонд явуулсан гэх мэдээллийг олимпийн хорооны албаны эх сурвалж ил гаргаж дэлгээгүй ч, мөн үгүйсгэж чадахгүй байна. Хоёр дасгалжуулагч өөрсдийнхөө үйлдэлдээ уучлал гуйсан. Харин Г.Мандахнарангийн барилдааныг буруу шүүсэн гэх асуудлаар Олон улсын арбитражид хандаж шүүхдэх болсон гэх мэдээлэл байна.
Тэд Монгол улсын ерөнхийлөгч Ц.Элбэгдорж, монголын ард түмний дэмжлэгтэйгээр шүүхдэх болсноо захидлаараа уламжилсан гэж ил гарахыг үл хүсэх эх сурвалж CONTROL.MN-д дуулгалаа.
Монголын Чөлөөт Бөхийн Холбоог тойрч, Монголын Үндэсний олимпийн холбоогоор захидал илгээх нь зохимжгүй гэж зарим мэргэжилтнүүд дүгнэж байна. Тун удахгүй Дэлхийн Нэгдсэн Бөхийн Холбоо шийдвэрээ ирүүлнэ гэж мэдэгдсэн байна. Эхний удаад Монголын шигшээ багийн тамирчдыг олон улсын каленьдарт тэмцээнүүдэд оролцуулахаас түдгэлзсэнээ мэдэгдсэн. Үүний дагуу Парист болсон залуучуудын дэлхийн аваргаас монголын бөхчүүдийг хассан. Тун удахгүй Грузины Тбилис хотод зохиогдох Өсвөрийн Дэлхийн Аварга Шалгаруулах Тэмцээнээс ч манай бөхчүүдийг бас хасахаа мэдэгдсэн. Одоогоор ДНБХ-ны эцсийн шийдвэр гаргаагүй, бидэнд хүлээн авсан зүйл байхгүй гэж Бөхийн холбооноос тодотголоо.
О.ҮҮЛЭНЦЭЦЭГ