2016 оны аравдугаар сарын 1-2-ны өдрүүдэд ОХУ-ын Якут улсын Якутск хотын “Триумф” спортын ордонд болох ЗХУ-ын Гавьяат дасгалжуулагч Д.П.Коркиний дурсгалд зориулсан IХ дахь чөлөөт бөхийн уламжлалт “Гран-При” олон улсын тэмцээнд оролцохоор манай 3 бөх очоод байна.
Манай бөхчүүд тус тэмцээнд анхдугаар тэмцээнээс нь эхлэн тасралтгүй оролцож Э.Бэхбаяр, Б.Анхбаяр, Л.Төртогтох нар алтан медаль хүртэж байсан.
Энэ удаа тус тэмцээнд шүүгч-дасгалжуулагчаар олон улсын шүүгч Х.Ганболд оролцоно, 57 кг-ын жинд олон улсын хэмжээний мастер Т.Тулга /”Арслан” клуб, ҮБТДС, азийн өсвөрийн аварга/, 61 кг-ын жинд гавъяат тамирчин Э.Ням-Очир /”Хилчин” спорт хороо, ДАШТ-ний хүрэл медальт/, 74 кг-ын жинд олон улсын хэмжээний мастер З.Сумъяабазар /“Арслан” клуб, ҮБТДС, өсвөрийн ДАШТ-ний болон азийн өсвөрийн аварга шалгаруулах тэмцээний мөнгөн медальт/ нар зодоглоно.
Тэмцээний шагналын сан 44 мянган ам.доллар үүнд алтан медаль хүртсэн бөхчүүдэд 2, мөнгөн медаль хүртсэн бөхчүүдэд 1500, хүрэл медаль хүртсэн бөхчүүдэд 1, түрүүлсэн бөхийн дасгалжуулагчид 1 мянган ам.долларын урамшуулал олгох юм байна.
МЧБХ
