Португалийн алдарт хөлбөмбөгчин, Real Madrid багийн гол довтлогч Кристиано Роналдо бас нэгэн түүхэн амжилтын эзэн болоход ойртжээ.
Боруссия Дортмунд багтай талбай дээр нь 2:2 харьцаагаар тэнцэхэд Реал Мадридын довтлогч Роналдо гоолын салхийг 17 минутанд хагалсан. Ийнхүү европын аваргуудын лигт 98 дахь гоолоо орууллаа.
Хэвлэлийнхэн түүний 99, 100 дахь гоолыг хэрхэн хийхийг фото зурагт болон, камерийн бичлэгтээ хадгалж үлдэхийн төлөө тэмцэлдэж байна. Нэг тоглолтод 5 гоол хийх чадвартай түүнд 2 гоол хийнэ гэдэг бол ямар ч асуудал биш.
Харин хэрхэн оруулах вэ? гэдэг нь сонирхол татсан асуулт юм. Алдрын оргилд хүрсэн Роналдо бол түүний араас нэхэгч Месси нарын тоглогчдоос огт өөр араншинтай. Харахад их зантай, дээрэлхүү мэт харагддаг ч, тэрбээр 2015 оны аваргуудын лигийн аваргын цомын шагналыг бүхэлд нь буяны үйлсэд хандивлаж байсан. Буяны үйлсэд хандивласан түүний мөнгөн дүнг ч өнөөдөр гүйцэх нэг ч алдартан мөн байхгүй.
Э.ҮҮЛЭНЦЭЦЭГ