Багануур хотын Захирагчийн нэрэмжит чөлөөт бөхийн өсвөр үеийн тэмцээн өнгөрсөн амралтын өдрүүдэд тус дүүргийн Биеийн тамир, спорт хорооны Спортын ордонд 3 дэвжээн дээр болж 27 спорт хороо, клубын 400 гаруй өсвөрийн бөхчүүд хөвгүүд, охидын тус бүр 13 жинд ур чадвар, ухаан бодлоо уралдуулан барилдлаа. Тэмцээний ерөнхий шүүгчээр олон улсын шүүгч Г.Амархүү, нийтдээ 16 шүүгч ажиллав.
Тэмцээнд ОХУ-ын Буриадын 3 гавъяат дасгалжуулагч, 8 өсвөрийн бөхтэй хүрэлцэн ирж оролцсон нь тэмцээнийг улам сонирхолтой болголоо.
Эрэгтэй багийн дүн :
1. Ё.Батдархан дасгалжуулагчтай “Дархан-Хасу-Мегастарс” клуб, 70 оноо, 1-р байр
2. С.Мөнхдуулдах дасгалжуулагчтай Баянхонгор аймгийн баг, 43 оноо, 2-р байр
3. Т.Урианхай дасгалжуулагчтай “Аварга” дээд сургуулийн баг, 18 оноо, 3-р байр
Эмэгтэй багийн дүн :
1. Ж.Баярхүү дасгалжуулагчтай “Дархан-Хасу-Мегастарс” клуб, 50 оноо, 1-р байр
2. Б.Баасанжав дасгалжуулагчтай Багахангай дүүргийн баг, 49 оноо, 2-р байр
3. Х.Магвандорж дасгалжуулагчтай “Хөх Эрчис” бөхийн дэвжээ, 42 оноо, 3-р байр
Эрдэм шинжилгээний бага хурал болж доктор профессор Л.Ням '"Тамирчдын бэлтгэлийн төлөвлөлт"', Аймгийн арслан, бөх судлаач Н.Батпүрэв "'Монгол бөхийн ёс жудаг'", докторант Б.Золзаяа '"Тамирчдын сэтгэл зүй'", магистрант, бөх судлаач Н.Анхбаяр "'Бөө, бөхийн уялдаа холбоо", техникийн ухааны доктор Ю.Гандолгор '"Тамирчдын хооллолт, эрүүл ахуй" сэдвээр илтгэл тавилаа.
МЧБХ
