Хүний сэтгэлийн хат гэдэг өөрийгөө хурцалж, бие махбодио удирдаж чадах чадвар юм. Сэтгэлийн хаттай байхад турж чадна, хорт зуршлаас хөндийрч чадна, хүнийг хайрлаж, өрөвдөж, хүндэлж, ямар ч өвчнийг гэтлэн гарч эрүүлжиж чадна. Хүн хөлөө эвгүй гишгэх, бага зэрэг хайрагдах, түлэгдэх гэх зэрэг ахуйн гэмтлээс эхлүүлээд нүд нуухдах, хамар шуухитнах, хамраас цус гарах, цээжээр хатгуулах, хөлийн булчин шөрмөс зангирах гээд хүнд байгалиас заяасан хариу урвалын хүчээр өөртөө асаргаа эмчилгээ хийчихнэ.
Насанд хүрсэн хүмүүс бага насны хүүхдэд туслан асарч өөрөө өвдөх завгүй сэтгэлийн хаттай байдаг. Тэтгэвэрт гарсан хөгшчүүд, тахир дутуугийн групп, эмчилгээгүй гэдэг үгс хүний сэтгэлийн хатыг цөм цохиж, хүнийг өөртөө санаа тавих, урмыг хугалснаар хүний дархлаа нурж эхэлдэг. Эмчилгээ хийлгэж байгаа хүний сэтгэлийн хат уярснаас өвчний эдгэрэх явц удааширч, эмчилгээний үр дүн муу байдаг. Хүний зан ааш, сэтгэлийн хаттай ихээхэн холбоотой. Өвчнийг эдгээх, өвчлөлийн үе шатыг богиносгох, эдгээх хүч хүнд бий :
- энерги үүсгэгч митохондрын эсүүд
- интерфероны болон дархлааг үүсгэгч
- эд эсийн нөхөн төлжих бодисын ялгаруулалт
- хүний уураг тархины удирдах төвүүд
- мэдрэлийн эсийн үйл ажиллагаа болон урвалжилт
- Цусны эд, эсүүдийг нөхөн төлжүүлэх эрхтнүүд
- Дотоод шүүрлийн булчирхайнууд
зэрэг хүний сэтгэхүй удирдах физиологийн хүчтэй үйл ажиллагаа байдаг. Бүсгүйчүүдийн сэтгэлийн хямрал өнчин тархинд маш хүчтэй нөлөө үзүүлж, бамбайн булчирхай болон өндгөвчний ажиллагаа сулруулдаг. Залуу бүсгүйчүүдийн сэтгэлийн хямралаас өнчин тархины дотоод шүүрлийн зохицуулалт алдагдаж жирэмслэхгүй байх хэт таргалах хам шинж илэрдэг.
Нас ахиж байгаа бүсгүйчүүдийн бамбайн дутагдал эхэлснээс сахар ихдэх, даралт ихсэх, яс сийрэгжих, хэвлийд өөх хуралдах, мэдрэлийн өвдөлт үе мөчний өөрчлөлт ихээр гардаг.
Эрэгтэйчүүдэд сэтгэлийн хямралаас цусанд гистамины хор, шээсний хүчил ихээр хуралдсанаас зүрхний шигдээс, цус харвалт, тохой, хөлийн эрхий хуруунд хэт хүчиллэг байдлаас улайж үрэвсэнэ. "Подагра" өвчин гэнэ.
Сэтгэлийн хаттай байхын тулд хүнд итгэх итгэл, хүний эрүүл мэндийн зөвлөгөө, зааварчилгааг эрүүл явах дэг жаяг, хэв маяг гэж ойлгож болно.
Хүн эрүүл мэнддээ анхаарал тавьж ихийг мэдэж, өвчнөөс сэргийлж, осол гэмтлээс холуур явж сэтгэлийн чанга хаттай байснаар өвдөхгүй, өвчнөө хүндрүүлж, эмчилгээний ихээхэн зардал гаргахаас сэргийлж чадна.
Б.БАТ-ОРГИЛ ХҮНИЙ ИХ ЭМЧ