ОХУ-ын нэрт дасгалжуулагч В.Д.Васильевийн нэрэмжит Бүх оросын чөлөөт бөхийн "Ерофей Хабаров" уламжлалт тэмцээнд манай улсаас 5 бөх оролцсон билээ.
Тэмцээнд оролцсон тамирчдаас Занданбудын Занабазар, Бүүвээйбаатарын Хатантуул Бямбадоржийн Цэцэгбаяр нар алтан медаль, Сармандахын Билгүүн, Доржцэгмэдийн Алтангэрэл нар мөнгөн медаль хүртжээ. Д.Алтангэрэл 4 ялж алтан медалийн төлөө барилдаанд Тувагийн бөхөд 4:5 онооны харьцаагаар дийлджээ. Армян, Казахстан, Монгол, Тажик, Узбек, ОХУ-ын Алс Дорнод, Сибирь, Умард Осет улсын 200 орчим бөх зодоглосон тус тэмцээнд МЧБХ-ны Шүүгчдийн зөвлөлийн дарга, олон улсын шүүгч Ц.Сэрээтэр дасгалжуулагч-шүүгчээр оролцсон байна.
А.ГАНТУЯА
