БАРСЕЛОНА багийн дасгалжуулагч Энрике хэвлэлийн бага хурлын үеэр нэг ч инээмсэглэсэнгүй. Өмнө нь нутаг дээрээ Манчестэр Ситиг 4:0-ээр бут ниргэсэн тэд хожно гэдэгтээ итгэлтэй ирсэн. Тиймээс хожигдолдоо эвлэрэхэд амаргүй байлаа. Хэвлэлийн бага хурлын үеэр "тийм, үгүй" гэсэн үгээр хариултаа хязгаарлаж байв. Хамгийн урт хариулт нь : Эхний 40 минут биднийх, сүүлчийн 50 минут тэднийх байлаа. Эцсийн дүн ч тэгж илэрхийлэгдсэн. Тиймээс 3:1 харьцаагаар бид ялагдсан гэж Манчесчер Сити багт нутаг дээр нь 3:1 харьцаагаар хожигдсоны дараах хэвлэлийн бага хурлын үеэр сэтгүүлчдийн асуултад хариулахдаа онцоллоо.
Ц.БАТАА