Нихон Дайгаку их сургуулийн дөрөвдүгээр дамжааны оюутан, 22 настай Монголын сүмоч Б.Төрболд Японы сумогийн оюутны аварга болжээ.
183 кг жинтэй, 187 см өндөртэй Б.Төрболд ирэх жилээс мэргэжлийн сүмод хүч үзэх боломжтой болно. Б.Төрболд 2014, 2016 онд сонирхогчдын сүмо бөхийн дэлхийн аварга шалгаруулах тэмцээнд түрүүлж байсан туршлагатай бөгөөд. “Оюутны сүмогийн ёкозүна” цолтой юм.
Тэрээр 2010 онд Японд Ичиножёо, Тэрүнофүжи нарын хамт очсон бөгөөд “Тоттори Дохёкү” сургуулийг төгссөн. Тэрээр ирэх сард Японы сонирхогчдын улсын аварга шалгаруулах тэмцээнд хүч үзэн барилдах юм байна.
А.ГАНТУЯА