Малайзид болсон Азийн Challenge цомын аваргын төлөөх группийн тоглолтод Монголын шинэ залуу тоглогчдоос бүрдсэн баг Лаосын багт 3:0 харьцаагаар хожигдлоо. Монголчууд өмнөх тоглолтдоо, Шри ланкийн багийг 2:0-ээр буулгаж, Макаод 2:1 харьцаагаар хожигдоод байсан билээ.
Уг нь, манайхаас зиндаагаар хамаагүй өндөр Лаосын багийг хожсон бол хэсгээсээ 2-оор шалгарах боломжтой байлаа.
Монголын шигшээ багийг саяхан шинээр бүрдүүлсэн. Залуу тамирчид маань туршлага суух хараахан болоогүй байна. Нийт тоглолтоо дүгнэхэд, бидэнд боломж байна. Өөрөөсөө чансаа илүү багуудтай нэг хэсэгт орсон ч, эхний хожлоо байгуулсан. Шалгарч чадаагүй ч, хэсэгтээ 3-р байрт шалгарлаа. Илүү амжилт гаргах боломж байсан үгүйг хэлж мэдэхгүй байна. Ямар ч байсан, амжилт гаргахын тулд цаг хугацаа хэрэгтэй байна гэж МХБХ-ны ерөнхийлөгч А.Ганбаатар хэллээ.
А.ГАНТУЯА