Монголын ширээний теннисний холбоо Лигийн тэмцээнийг 3 түвшинд зохиож эхэллээ.
ДЭЭД лиг буюу мастер, өндөр зэрэглэлийн тэмцээнийг нийтдээ 6 дахь жилдээ амжилттай зохион байгуулсан туршлага дээрээ суурилан дунд зэрэглэлийн тамирчдын дунд ХӨГЖЛИЙН лигийг болгосон бол, энэ жилээс СОНИРХОГЧДЫН лигийг эхлүүллээ.
Лигийн тэмцээнийг шатлан, ур чадвар ойролцоо тамирчдын дунд зохиох нь тэмцээний илүү өрсөлдөөнтөй, сонирхолтой болгодог. Түүнээс гадна, тамирчдын бэлтгэлийг хангах, байнгын формтой байхад нөлөөлдөг ач холбогдолтой гэж тус холбооны ерөнхий нарийн бичгийн дарга С.Галбадрах тодотголоо.
Сонирхогчдын лигийн тоглолт, гурван тойрог үргэлжилсний эцэст, эхний 32 тамирчин хасагдах шатны тоглолтод шалгаран үлдсэн байна. Үүний дараа Хөгжлийн лиг, түүний дараа Дээд лиг эхэлнэ.
Э.ОТГОНЖАРГАЛ
