Шатрын дэлхийн домогт аварга, шатрын ертөнцөд 15 жил ноёрхлоо тогтоосон Гарри Каспаров хэлэхдээ,
- Энэ хоёр дэндүү болгоомжилж, бие биенээ анасан отсон байр байдалтай тоглолт хийж байна. Тиймээс ч, эхний гурван өрөгтөө эвийн гэрээ байгуулчихлаа. Хэн хэнд ч, эрсдэл хийх, довтлох эрмэлзлэл одоохондоо алга.
Ингэж тэр тоглолтыг дүгнэсэн бол, - Сергей Карякин бол сайн шатарчин, харин Магнус бол онцгой тоглогч гэж тэднийг өөр хооронд нь ялгалаа. Норвегийн шатарчин Магнус бол 22 насандаа, 2013 онд анх дэлхийн аварга болсон. 2014, 2015 он бол түүнийх байсан. Тэр бүх үзүүлэлтээрээ, бусдаас илүү учир Г.Каспаров түүнийг өндөр үнэллээ. Хэрвээ тоглолт хайнцаж, нэмэлт тоглолт хийхэд хүрвэл, Магнус илүү тоглох болно гэж шатрын ертөнц үзэж байгаа аж. Магнус, Карякин нар өмнө нь нийт 17 өрөг тавьснаас, Магнус 4 хожиж, 1 хожигдож, бусдад нь тэнцсэн байна.
Э.ОТГОНЖАРГАЛ
